Egia da dagoeneko ez naizela Bilbon bizi, baina Bilbo bezalako hiri handi batean bizi bazara, erraz konturatuko zara askotan porlanezko bideak baino ez daudela dirudiela. Ez da, hala ere, zuzena, eta harrigarria dirudien arren, Bilboko erdigunetik oso gertu eremu basati-natural zabala badago. Pagasarriren ingurukoetatik haratago, Ganekogortarainoko bidean eta handik Arabara, ia eraikinik gabeko lurraldea dugu, mendi eta basoen zehar luzaro ibiltzeko egokia: Bilboaldea, Enkarterri eta Aiara eskualdeak uztartzen dituzten lurrak.

Benetan, Bilbo kutsatuaren birikak dira horiek.

Are gehiago, oztopo handirik gabe, ia-ia errepideren bat zeharkatu beharrik gabe, Arabako Gaubearantz ere abiatu gaitezke oinez, hala nahi bada.

Share on Facebook

Tweet